نشامى الاخباري _ محمد الصقور
الاقتصاد مو دايم بخير… لا تخلونا نغرق بالأرقام!
اجتمعت لجنة السوق المفتوحة بالبنك المركزي الأردني،
وطلعت بقرار تثبيت الفوايد، ؟؟؟؟
وقالت إنو الأمور “مستقرة” ؟؟؟؟
والاقتصاد
“متماسك”، ؟؟؟؟؟
والاحتياطي الأجنبي قوي، ؟؟؟؟؟؟
والبنوك ماشية صح، ؟؟؟؟؟؟
والتضخم تحت السيطرة.؟؟؟؟
بس يا جماعة الخير… !!!!!
خلونا نحكي بصراحة.
يعني معقول نقرأ كل هالخبر وما نلاقي ولا سطر يحكي عن البطالة؟ ؟؟؟؟
ولا عن الديون اللي عم تكبر؟؟؟؟؟
ولا عن الناس اللي الفايدة خنقتهم بالقروض؟ ؟؟؟؟
كأنهم بيقولولنا:
“كلوا الأرقام وناموا مرتاحين”
الناس اليوم مش بس بدها تسمع عن أرقام ودائع وصادرات،
الناس بدها تعرف: هالاستقرار اللي بتحكوا عنه،
بنحس فيه؟ بنعيشه؟
ولا بس بالأوراق؟
التضخم صحيح أقل من ٢٪ حسب كلامهم،
بس اللي بيروح على السوق كل يوم بيعرف إن الغلا غير.
الفاتورة عالية، والرواتب محلك سر.
طيب ليش ما نسمع عن حلول؟
ليش ما حدا حكى عن الاستثمار؟
عن المصانع؟
عن فرص الشغل؟
والفوايد…
يا ويلي من الفوايد.
الشركات الصغيرة انخنقت،
والشباب ما عاد تقدر تفكر بقرض.
بس البنك المركزي لسه متمسك بالتثبيت،
وكأنو الاقتصاد الحديدي ما بتأثر بشي.
والتقرير كله ما فيه نقد ذاتي،
ولا توضيح للمخاطر.
حتى التوترات اللي حوالينا، حكوا عنها مرور الكرام،
وما في أي خطة واضحة لو زادت المشاكل بالمنطقة.
يعني باختصار،
البنك المركزي طمّن الناس بالأرقام،
بس نسي يحكي الحقيقة كاملة.
إحنا ما بدنا تشاؤم،
بس كمان ما بدنا نضحك عحالنا.
الناس بدها شفافية،
بدها تحليل واقعي،
وبدها قرارات تلمس حياتها،
مش بس تطلع بورقة رسمية وتمر مرور الكرام.
لماذااا….؟؟؟؟؟
